PAALALA SA PUBLIKO: MAG-INGAT SA LEPTOSPIROSIS!

Sa panahon ng bagyo at pagbaha, tumataas ang panganib ng leptospirosis — isang seryosong sakit na maaaring makuha sa kontaminadong tubig-baha na may ihi ng daga.

Paano Nakukuha ang Leptospirosis?

Sa paglalakad o paglusong sa baha lalo na kung may sugat, gasgas, o open wound

Sa pag-inom ng kontaminadong tubig

Sa pagkain o gamit na nahawakan ng kontaminadong tubig

Mga Sintomas ng Leptospirosis:

Mataas na lagnat

Pananakit ng ulo at kalamnan (lalo sa binti)

Paninilaw ng balat at mata

Pagsusuka

Pamumula ng mata

Pananakit ng tiyan o kasu-kasuan

Paano Maiiwasan?

Iwasan ang paglusong sa baha. Gumamit ng bota o protective gear kung kailangang lumusong.

Panatilihing malinis at tuyo ang mga sugat

Uminom ng malinis na tubig at iwasan ang pagkaing kontaminado

Linisin ang bahay at palibot upang maiwasan ang daga

Magpatingin agad sa health center o ospital kung may sintomas

Maaari ring uminom ng gamot na pang-proteksyon (prophylaxis) laban sa leptospirosis kung nalusong sa baha – pero ito’y kailangang may gabay ng doktor.

TANDAAN: Maagap na pag-iingat = iwas sakit!

Protektahan ang iyong sarili at pamilya. Iwasan ang leptospirosis.